KARLAKÓR KFUM HEIMSÆKIR DANMÖRKU
Í kvöld, 13. maí heldur Karlakór KFUM á Íslandi tónleika í Sankt Pauls Kirke. Kórinn heimsækir slóðir sr. Friðriks Friðrikssonar, stofnanda KFUM og KFUK á Íslandi.
Fluttir verða trúarlegir söngvar og sálmar eftir íslenska og erlenda höfunda.
Föstudagur 13. maí kl. 18-19:
Vorið góða - Vortónleikar Karlakórs KFUM í Páls kirkju í Kaupmannahöfn.
Nánar um viðburðinn hér.
Laugardagur 14. maí kl. 16-16.30:
Karlakór KFUM syngur í Hillerød kirkju til heiðurs Felix Ólafssyni kristniboða.
Mánudagur 16. maí (2. í hvítasunnu) kl. 14-15:
Þátttaka í hátíðarmessu í Páls kirkju í Kaupmannahöfn. Kórinn syngur tvö lög.
Aðgangur að tónleikunum á föstudag og öðrum viðburðum er öllum heimill og án endurgjalds.
Karlakór KFUM var stofnaður í október 1912 og endurvakinn í febrúar 2009. Í
kórnum eru um 40 karlar. Stjórnandi er Laufey Geirlaugsdóttir og píanóleikari er Ásta Haraldsdóttir.