Verðlaun Jóns Sigurðssonar

Forsætisnefnd ákvað, að tillögu stjórnar Húss Jóns Sigurðssonar, að Alþingi skyldi á Hátíð Jóns Sigurðssonar veita Verðlaun Jóns Sigurðssonar þeim einstaklingi sem hefur unnið verk sem tengjast hugsjónum og störfum Jóns Sigurðssonar. Þessi verk geta jöfnum höndum verið á sviði fræðistarfa, viðskipta eða mennta- og menningarmála. Verðlaun Jóns Sigurðssonar hafa verið veitt eftirfarandi einstaklingum:

Dansk-Islandsk Samfund hlýtur Verðlaun Jóns Sigurðssonar forseta árið 2016

20160421_175321-1

Verðlaun Jón Sigurðssonar féllu að þessu sinni í hlut félagsins Dansk-Islandsk Samfund. Dansk-Islandsk Samfund starfar bæði á Íslandi og í Danmörku og hefur í 100 ára sögu sinni verið mikilvægur vettvangur til að rækta náin samskipti þjóðanna á sviði mennta og menningar, fræðslu og upplýsingar, með ótal viðburðum, fyrirlestrum, hátíðum, úthlutun námsstyrkja og útgáfustarfi.

Lesa meira

Sigríður Eyþórsdóttir hlýtur Verðlaun Jóns Sigurðssonar forseta árið 2015

Verðlaun Jóns Sigurðssonar 2015 afhent.

Verðlaun Jón Sigurðssonar féllu að þessu sinni í hlut Sigríðar Eyþórsdóttur, tónlistarmanns og kórstjóra, fyrir framlag hennar til Íslandskynningar í Danmörku með bókmenntakynningum og tónlistarflutningi.

Lesa meira

Bertel Haarder hlýtur Verðlaun Jóns Sigurðssonar forseta árið 2014

Verðlaun Jóns Sigurðssonar 2014 afhent.

Verðlaunin féllu að þessu sinni í hlut Bertels Haarders, fyrrverandi menntamálaráðherra Danmerkur, fyrir framlag hans til menningarsamstarfs Danmerkur og Íslands, sem og fyrir stuðning hans við varðveislu þjóðararfsins.

Lesa meira

Erling Blöndal Bengtsson hlýtur Verðlaun Jóns Sigurðssonar forseta 2013

Verðlaun Jóns Sigurðssonar 2013  afhent.

Verðlaun Jóns Sigurðssonar 2013 komu í hlut Erlings Blöndals Bengtssonar sellóleikara. Erling á að baki langan og farsælan tónlistarferil og hefur lagt mikið af mörkum við að efla tengsl Íslands og Danmerkur á sviði tónlistar.

Lesa meira

Dr. phil. Pétur M. Jónasson hlýtur Verðlaun Jóns Sigurðssonar forseta 2012

Verðlaun Jóns Sigurðssonar 2012 afhent.

Verðlaun Jóns Sigurðssonar forseta árið 2012 hlýtur dr. phil. Pétur M. Jónasson, vatnalíffræðingur og prófessor emeritus. Hann hefur með framúrskarandi fræðistörfum á sviði vatnalíffræði í Danmörku og á Íslandi lagt fram mikilvægan skerf til að styrkja vísindasamstarf þjóðanna. 

Lesa meira

Frú Vigdís Finnbogadóttir hlýtur Verðlaun Jóns Sigurðssonar forseta 2011

Verðlaun Jóns Sigurðssonar 2011 afhent.

Frú Vigdís Finnbogadóttir, fyrrverandi forseti Íslands, hlýtur Verðlaun Jóns Sigurðssonar forseta árið 2011. Í forsetatíð sinni efldi hún og styrkti vináttu milli Íslands og Danmerkursem ötull talsmaður menningarsamskipta þjóðanna.

Lesa meira

Søren Langvad handhafi Verðlauna Jóns Sigurðssonar árið 2010

Verðlaun Jóns Sigurðssonar 2010 afhent.

Verðlaun Jóns Sigurðssonar forseta árið 2010 hlýtur Søren Langvad byggingarverkfræðingur, starfandi stjórnarformaður Pihl og Søn og einn stofnenda og fyrrverandi stjórnarformaður íslenska verktakafyrirtækisins Ístaks.

Lesa meira

Erik Skyum-Nielsen handhafi Verðlauna Jóns Sigurðssonar árið 2009

Verðlaun Jóns Sigurðssonar 2009 afhent.

Verðlaun Jóns Sigurðssonar forseta árið 2009 hlýtur Erik Skyum-Nielsen bókmenntafræðingur. Hann hefur verið ötull þýðandi íslenskra samtímabókmennta og hlotið mikið lof fyrir. 

Lesa meira

Guðjón Friðriksson handhafi Verðlauna Jóns Sigurðssonar forseta 2008

Verðlaun Jóns Sigurðssonar 2008 afhent.

Verðlaun Jóns Sigurðssonar forseta árið 2008 hlýtur Guðjón Friðriksson sagnfræðingur. Verk Guðjóns um ævi Jóns Sigurðssonar, sem kom út  í tveimur bindum árin 2002 og 2003, er ástæða þess að Guðjón hlýtur Verðlaun Jóns Sigurðssonar forseta að þessu sinni. 

Lesa meira