Starfsemi

Starfsemi í Jónshúsi í Kaupmannahöfn er margvísleg. Á þriðju hæð hússins er sýning um Jón Sigurðsson, líf hans og störf. Í kjallara er bókasafn Íslendinga í Kaupmannahöfn. Þá er í húsinu tvær íbúðir fyrir íslenska fræðimenn og vinnustofur. Á fyrstu hæð er samkomusalur þar sem oft eru auglýstar samkomur og sýningar íslenskra listamanna.

Í húsinu er aðstaða fyrir félagsstarfsemi þeirra fjölmörgu Íslendinga sem búsettir eru á Kaupmannahafnarsvæðinu. Meðal annars funda- og æfinga- og kennsluaðstaða Íslendingafélagsins, íslenska safnaðarins, kammerkórsins Stöku, Kvennakórs Kaupmannahafnar, íslenska skólans, sunnudagaskólans o.fl. Í húsinu er einnig starfsaðstaða fyrir íslensk fyrirtæki.