Listsýningar í sal Jónshúss

Jónshús minnir á að listafólki gefst kostur á að sýna verk sín í sal Jónshúss. 

Áhugasamir hafi samband við umsjónarmann hússins, Höllu Benediksdóttur, í síma 2328 1944 eða með því að senda tölvupóst á netfangið halla@jonshus.dk

Sigurrós Eiðsdóttir sýnir í Jónshúsi - Sund

SUND er röð ljósmynda eftir Sigurrós sem hún hefur klippt og endurraðað.

Lesa meira

"Hugsað heim"

Október 2017 - apríl 2018Inga Lísa Middelton

Meginstef sýningarinnar er heimþrá en myndirnar sýna tilfinningatengsl höfundar við heimalandið og eru fullar af ljúfsárum söknuði. Ljósmyndarinn, Inga Lísa Middleton, er búsett í Bretlandi en sýnir hér myndir frá heimalandi sínu – Íslandi. Ljósmyndirnar eru teknar víðs vegar um landið og á heildina litið mynda þær ferðasögu. Myndefnið er bæði áþreifanlegt og táknrænt í senn: Kröftugir fossar sem knýja vatnsaflsvirkjanir, lóan sem boðar komu vorsins eftir langan vetur og hvönn sem löngum hefur verið notuð sem lækningajurt. Í myndunum kallast hið hversdagslega á við ljóðræna sýn á landið. Myndirnar eru unnar með aðferð sem á ensku nefnist cyanotype og var þróuð á 19. öld til að fjölfalda prentefni. Heitið vísar til bláa litarins, cyan, sem er einkennandi fyrir myndirnar.

Sigrún kinkar kolli til Ingibjargar, Jóns og Bertels

Apríl 2017 - október 2017  Sigrún Eldjárn 

Sýningin fjallaði um Jón Sigurðsson,Ingibjörgu konu hans og Bertel Thorvaldssen. Sigrún sýndi  teikningar með vatnslitaívafi. Þær eru byggðar á ljósmyndum af þeim hjónum en líka nokkrum verka Torvaldsens. Myndirnar eru svo kryddaðar með ýmsu óvæntu sem ýtir við og gleður.