Hátíð Jóns Sigurðssonar í Jónshúsi
Hátíð Jóns Sigurðssonar verður haldin í Jónshúsi á sumardaginn fyrsta, 19. apríl 2012, kl. 16.30. Verðlaun Jóns Sigurðssonar forseta verða afhent af því tilefni. Markmiðið með hátíðinni er að heiðra minningu Jóns Sigurðssonar og halda á lofti verkum hans og hugsjónum.
Dagskrá:
- Ásta R. Jóhannesdóttir, forseti Alþingis, setur hátíðina.
- Kórinn Staka flytur íslenska tónlist.
- Svavar Gestsson, fyrrverandi sendiherra, flytur hátíðarræðu.
- Tónlist í flutningi Dísu Jakobs og Mads Morits.
- Forseti Alþingis afhendir verðlaun Jóns Sigurðssonar.
- Kórinn Staka flytur lag í tilefni sumardagsins fyrsta.
Léttar veitingar að lokinni dagskrá.
Karl M. Kristjánsson, formaður stjórnar Húss Jóns Sigurðssonar, stjórnar dagskrá.