Kvennakórinn í Kaupmannahöfn minnist 100 ára kosningaréttar kvenna á Íslandi 8. mars
Íslenski Kvennakórinn í Kaupmannahöfn heldur að venju upp á Alþjóðlegan baráttudag kvenna sunnudaginn 8. mars í Jónshúsi kl. 17.00.
Sérstakt tilefni er að þessu sinni 100 ára kosningaréttur kvenna á Íslandi.
Erindi sem verða flutt:
- Álfheiður Ingadóttir, fyrrverandi þingmaður og ráðherra: Kosningaréttur - hvað svo?
- Herdís Steingrímsdóttir, lektor í hagfræði við CBS: Feðraorlof, hjónaskilnaðir og jafnrétti á vinnumarkaði.
- Sigríður Eyþórsdóttir, MA og kórstjóri: Ömmusögur, frásagnir af langömmum mínum og öðrum starfandi konum á fyrstu áratugum 20. aldarinnar á Íslandi.
Kvennakórinn flytur lög og ljóð eftir íslenskar konur, stjórnandi Sigríður Eyþórsdóttir.
Til sölu verða léttar veitingar.