Viðburðarík og skemmtileg helgi að baki
Það var fjöldi fólks sem lagði leið sína í Jónshús um helgina auk fastra dagskráliða var meðal annars boðið upp á tvö námskeið og sunnudagskaffihlaðborð.
Hjörtur Smárason og Inga Rós Antoníusdóttir voru með námskeið í Digitalsorytelling, eða með örðrum orðum hverning er best að markaðsetja sig á samfélgsmiðlum.
Þorbjörg Hafsteinsdóttir var með námskeið fyrir konur, þar sem hún var að kenna konum hvaða leið er gott að fara til að komast í gott jafnvægi, bæði líkamlega og andlega.
Á sunnudaginn var sunnudagskaffi í umsjón Karmmerkórsins Stöku . Það er löng hefð fyrir því að bjóða upp á sunnudagskaffihlaðborð að lokinni guðsþjónustu í Sankt Pauls kirkju. Kvennakórinn í Kaupmannahöfn og Kammerkórinn Staka skipta með sér verkum þessa sunnudaga þegar það er guðsþjónusta. Annar kórinn syngur við messuna og hinn kórinn sér um kaffið.
Kórarnir leggja mikla vinnu í að bjóða upp á góðar veitingar, og það er auðveldast að líka þessu við fermingarveislu á Íslandi. Alltaf boðið upp á heita brauðrétti, pönnukökur og íslenskar hnallþórur, allir velkomnir.
Í gær, mánudaginn 7.mars fjölmenntu konur í Jónshús, þar var tekið forskot á alþjóðlengan baráttudag kvenna. Þetta var 9 árið sem íslenskar konur í Kaupmannahöfn koma saman í tilefni 8.mars.
Dagskrá var með hefðbundu sniði. Kvennarkórinn söng nokkur lög og sá um veitingar. Að vanda var boðið upp á bökur og salat.
Hildur Þórisdóttir hélt mjög áhugavert erindi þar sem hún sagði okkur frá verkefni sem hún er að vinna að. Hún er verkefnastjóri (boligsocial medarbejder) hér í Kaupmannahöfn, meðal annars með innflytjenda- og flóttakonum í Søndermarkskvarteret á Frederiksberg, í gegnum verkefni sem kallast Bydelsmødrene (http://bydelsmor.dk/).
Næstu helgi er sunnudagaskóli klukkan 13:00. Á sunnudaginn á að hlusta á sögu, syngja, fara með bænir og kanna hvað Nebbi er að bralla. Rebbi og Mýsla koma í heimsókn, það verður gaman að heyra hvort Rebbi urri mikið þegar hann kemur til okkar.
Eftir stundina verður boðið upp á smá hressingu fyrir fullorna og börn, og tækifæri fyrir börnin að púsla, lita og hafa það huggulegt.
Hægt er að fá nánari upplýsingar um safnaðarstarf kirkjunnar í Danmörku á www.kirkjan.dk. og á Facebooksíðunni Íslenski söfnuðurinn í Danmörku.
Allir velkomnir, Katrín, Vera, Snædís, Ásta og Sr. Ágúst
Páskabingó
Sunnudaginn 20. mars er svo hið geisivinsæla páskabinó. Íslendingafélgagið sér um þennan viðburð. Kaupa þarf bingóspjald í forsölu, gera má ráð fyrir því að það verði uppselt í ár eins og undanfarin ár.
Hér er hægt að kaupa bingóspjald á mjög vægu verði.