Álfar, huldufólk og tröll og áhrif þeirra á íslenskt samfélag, menningu og listir.
Fyrirlestur og spjall. Kvennakórinn Dóttir syngur lög með álfaþema og Jónshús býður upp í kaffi og vöfflur á eftir.
Sunnudaginn 30. mars kl. 15 - 17.
Allir velkomnir
Aðgangur ókeypis
Álfar, huldufólk og tröll og áhrif þeirra á íslenskt samfélag, menningu og listir. Fyrirlestur og spjall. Kvennakórinn Dóttir syngur lög með álfaþema og Jónshús býður upp í kaffi og vöfflur á eftir.
Ljósmyndarinn og kvikmyndagerðakonan Inga Lísa Middleton mun fjalla um hvernig sagnir og sögur af huldufólki og álfa hafa haft áhrif á íslenskt samfélag, menningu og listir í gegnum aldirnar. Hún mun taka dæmi um hvernig þessi mikilvægi menningararfur hefur haldið áfram að hvetja Íslendinga til athafna, þ.á.m. í sjálfstæðisbaráttunni, og til sköpunar allt til dagsins í dag.
Þessi fyrirlestur var haldinn á þingi um um Huldufólk og Álfa í heimabyggð í menningarhúsinu Hofi á Akureyri síðastliðið vor.
En hvað um nútímafrásagnir og reynslu af huldufólkinu? Hvernig geta þau mótað íslenskt samfélag og menningu í dag og til framtíðar? Inga Lísa mun spyrja garðyrkjufræðinginn, „sjáandann“ og álfahvíslarann, Bryndísi Fjólu Pétursdóttur þessara spurninga og hvernig skapandi fólk og almenningur almennt getur lært að hlusta á náttúruna og skynja hana sér til gagns, hvernig viska hinna huldu heima og íbúa hennar getur veitt innblástur og lausnir til að takast á við brýn vandamál líðandi stundar eins og loftslagsvána.
Ingu Lísu og Bryndísi Fjólu var boðið að halda þennan fyrirlestur í sendiráði íslands í London í janúar 2025.
Nánari upplýsingar um Ingu Lísu hér.
Nánari upplýsingar um Bryndísi Fjólu hér.