Fréttir og tilkynningar (Síða 25)

Forseti Alþingis, Einar K. Guðfinnsson, hefur skipað í úthlutunarnefnd fræðimannsíbúðar Jóns Sigurðssonar í Kaupmannahöfn í samræmi við ákvæði 10. gr. reglna um Hús Jóns Sigurðssonar í Kaupmannahöfn.

Í tilefni af 200 ára minningarafmæli Jóns Sigurðssonar árið 2011 voru ræður hans á Alþingi skannaðar inn og birtar á vef.

Ræður sem Jón Sigurðsson flutti á Alþingi er að finna á vef Alþingis.

Hátíðarmessa í Skt. Pálskirkju.
2. Jóladag 26. desember kl. 13.00.

Prestur sr. Ágúst Einarsson.
Organisti Mikkael Due.
Söngur Jólakórinn, stjórnandi Sigríður Eyþórsdóttir.

Kórsöngur, Íslenski Kvennakórinn í Kaupmannahöfn, stjórnandi Sigríður Eyþórsdóttir og STAKA, stjórnandi Stefán Arason. Jólahugvekja, Sr.Kristinn Ágúst Friðfinnsson. Jólasaga, Sr.Gísli Gunnarsson. Almennur söngur. Heitt súkkulaði í Jónshúsi á eftir.

Hinn árlegi Jólamarkaður verður sunnudaginn 24. nóvember kl. 13.00 – 16.00 í Jónshúsi.
Að venju verður á boðstólum allskyns varningur, laufabrauð, Malt og appelsín, föndurvörur og íslensk hönnun.

Borðapantanir í síma 33137997

Messað verður í Skt. Pálskirkju sunnudaginn 27. október kl. 13.00
Prestur sr. Jón Dalbú Hróbjartsson
Organisti: Mikael Due
Kór: STAKA, stjórnandi Stefán Arason
Messukaffi í Jónshúsi að lokinni athöfn.

Fermingarfræðsla kl. 10.30
Aðalfundur Íslenska Safnaðarins kl. 14.30
Sunnudagskaffihalðborð kl. 14.00 - 16.00

Fyrsta ICELANDAIRvist (félagsvist) vetrarins fór fram föstudaginn 27. september. Fram að jólum verður spilað í Jónshúsi kl. 19.30 föstudaganna 25. október og 29. nóvember, sjá nánar á http://www.islendingafelagid.dk

Eins og venjulega verður spiluð félagsvist í Jónshúsi einu sinni í máuði í vetur. ICELANDAIR gefur aðalvinninginn: ferð fyrir tvo til Íslands fram og til baka. Íslendingafélagið í Kaupmannahöfn hefur að nýju tekið við umsjón með "vistinni" eftir að Siddi og Biddý sem að sáu um þessi kvöld með glæsibrag fluttu til Íslands s.l. vor.

Mömmumorgnar í Jónshúsi hefjast að nýju fimmtudaginn 19. september

Íslensk börn í 1. til 9. bekk eiga möguleika á að sækja móðurmálskennslu á laugardögum í Jónshúsi. Áhersla er lögð á fjölbreytt og skemmtilegt skólastarf, með skapandi verkefni og leik að leiðarljósi.

Sýning um Jón Sigurðsson á 3. hæð Jónshúss er opin frá kl. 10.00 - 18.00 á Þjóðhátíðardaginn 17. júní 2013

Síðasti kennsludagur í Íslenska skólanum, Jónshúsi: Laugardaginn 15. júní kl. 10.00 - 12.00, allar deildir.
Þjóðhátíðarhöld Íslendingafélagsins á "Femøren" laugardaginn 15. júní kl. 13.00

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúðinni frá ágústlokum 2013 til ágústloka 2014. Alls bárust nefndinni að þessu sinni 32 umsóknir.

Hátíð Jóns Sigurðssonar var haldin í Jónshúsi í Kaupmannahöfn í dag, 25. apríl, á sumardaginn fyrsta. Ásta R. Jóhannesdóttir, forseti Alþingis, setti hátíðina og afhenti verðlaun Jóns Sigurðssonar forseta. Verðlaunin féllu að þessu sinni í hlut Erlings Blöndals Bengtssonar sellóleikara.

Hátíð Jóns Sigurðssonar verður haldin í Jónshúsi á sumardaginn fyrsta, 25. apríl 2013, kl. 16.30. Verðlaun Jóns Sigurðssonar forseta verða afhent af því tilefni. Markmiðið með hátíðinni er að heiðra minningu Jóns Sigurðssonar og halda á loft verkum hans og hugsjónum.

Íbúð fræðimanns í Kaupmannahöfn er, skv. reglum um hús Jóns Sigurðssonar, laus til afnota tímabilið 28. ágúst 2013 til 26. ágúst 2014.

Allar nánari upplýsingar og sérstök umsóknareyðublöð er að finna á heimasíðu Jónshúss, fræðimannsíbúð. Umsóknir um íbúðina skulu hafa borist skrifstofu Alþingis eigi síðar en þriðjudaginn 16. apríl nk.

Prjónaklúbburinn, fimmtudaginn 14. mars kl. 19.00.
Sunnudagskólinn, sunnudaginn 17. mars kl. 11.00.
ICELANDAIRvist, félagsvist föstudaginn 22. mars kl. 19.00. Páskaeggjabingó ÍFK, sunnudaginn 24. mars kl. 14.00.

Baráttusamkoma íslenskra kvenna er árlegur viðburður í Kaupmannahöfn. Kvöldin í Jónshúsi eru fjölsótt og kraftmikil og ýmis málefni eru tekin fyrir þar fyrir. Í vor verður kosið til Alþingis og ber dagskráin keim af því.

Dr. Þorgerður Einarsdóttir, prófessor í kynjafræði við Háskóla Íslands, flytur erindi kvöldsins: " Hrun og heimsmet í kynjajafnrétti? Femínisminn - fimm árum síðar".

Að erindi hennar loknu ræða fjórar þingkonur og einn frambjóðandi hvað áunnist hefur í jafnréttismálum á undanförnum árum og hver þær telji brýnustu viðfangsefnin á næsta kjörtímabili. Þingkonurnar eru:

  - Álfheiður Ingadóttir, þingkona Vinstri grænna og fv. heilbrigðisráðherra
  - Brynhildur S. Björnsdóttir, frambjóðandi Bjartrar framtíðar í Reykjavík suður
  - Katrín Júlíusdóttir, varaformaður Samfylkingar og fjármálaráðherra
  - Vigdís Hauksdóttir, þingkona Framsóknarflokks
  - Þorgerður Katrín Gunnarsdóttir, þingkona, fv. menntamálaráðherra og fv. varaformaður Sjálfstæðisflokksins.

Íslenski Kvennakórinn í Kaupmannahöfn stendur fyrir söng og sér um veitingasölu. Í boði verða bökur, salat og drykkir.

Nánari upplýsingar veitir undirbúningsnefnd 8. mars:

  - Erla Sigurðardóttir: [email protected]
  - Gunnhildur Kristjánsdóttir: [email protected]
  - Kristín Ása Einarsdóttir: [email protected]

Jónshús, Øster Voldgade 12 ( skammt frá Østerport-lestarstöðinni, þar er einnig næsti hraðbanki).

Við minnum á árlega baráttusamkomu íslenskra kvenna í Jónshúsi á föstudaginn 8. mars. Veitingasala Jónshúss opnar kl. 18.30 en dagskráin hefst kl. 19.30.

ÞJÓÐMINJASAFN ÍSLANDS 150 ÁRA

Þjóðminjasafn Íslands var stofnað 24. febrúar 1863 og fagnar því 150 ára afmæli sínu á þessu ári. Af þessu tilefni stendur Lýðháskólinn í Kaupmannahöfn fyrir málþingi í byrjun mars.

Ávarp flytja Per Kristian Madsen, safnstjóri Þjóðminjasafns Dana og Frú Vigdís Finnbogadóttir. Fjöldi sérfræðinga frá Þjóðminjasafni Íslands og Þjóðminjasafni Danmerkur flytja erindi.