Fréttir og tilkynningar (Síða 8)

Fjölbreytt dagskrá framundan. 
Sjá nánar hér.

Laugardaginn 12. febrúar frá kl. 16 - 18.
Ragna S. Bjarnadóttir fata- og textílhönnuður sýnir textílverk unnin út frá innsæi, innblásin af mismunandi efnisáferðum og leik með handverksaðferðir og litaval sem í gengum tíðina hafa talist kvenlæg.
Léttar veitingar í boði.

Um leið og við þökkum fyrir liðið ár, óskum við notendum hússins, og fylgjendum á samfélagsmiðlum sem eru bæði hér í Danmörku og á Íslandi og öllum öðrum farsældar á árinu sem var að byrja og vonumst eftir að starfsemin haldi áfram að blómstra. 

Líkt og undanfarin ár verður haldinn jólamarkaður í Jónshúsi þar sem Íslendingum gefst tækifæri að selja eigin hönnun, handverk, íslenska hönnun eða eitthvað matarkyns. Lista- og handverksmenn hafa boðað komu sína og verður því mikið og fjölbreytt úrval á boðstólum. Þetta er tilvalið tækifæri til að koma í Jónshús og skoða og fá sér heitt kakó, jólaglögg og eplaskífur og jafnvel kaupa eitthvað íslenskt og fallegt. Alllir ættu að finna eitthvað við sitt hæfi.

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, hefur lokið störfum og úthlutað íbúð fræðimanns á 4. hæð fyrir árið 2022. Alls bárust nefndinni að þessu sinni 32 gildar umsóknir. Fræðimenn sem fengu úthlutun eru eftirtalin:

Laugardaginn 13. nóvember var formleg opnun sýningar Fjólu Jóns og Trausta Traustasonar.
Skemmtileg opnun með litríkum listaverkum, auk þess var boðið upp á léttar veitingar og tónlistarmaðurin Arnar Árna skemmti fólki með gítarleik og söng. Sýningin er opin á opnunartíma Jónshúss út desember 2021. 

Formleg opnun sýningar "Við erum öll öðruvísi” laugardaginn 13. nóv. kl. 15.30.

Léttar veitingar og tónlistaratriði. 
Verið velkomin.

Föstudaginn 30. október var aðalfundur félagsins haldinn í Jónshúsi. Fjömenni mætti á fundinn.

Malmøgade 14, 2100 København Ø
Sunnudaginn 31.október kl. 13

Innsetningarmessa

Sr. Sigfús Kristjánsson sem tók nýlega við embætti sem prestur íslenska safnaðarins verður settur í embætti.

Helga Soffía Konráðsdóttir prófastur setur Sigfús í embætti og auk þeirra þjóna prestar íslensku safnaðanna í Noregi og Svíþjóð.

Kjartan Ognibene verður við orgelið og leiðir tónlistina ásamt félögum úr Kvennakór Kaupmannahafnar.

Kaffihlaðborð Kvennakórs Kaupmannahafnar

Sunnudaginn 31. október kl. 14.30 – 16.30

Komið í Jónshús og njótið kaffihlaðborðs Kvennakórsins með vinum og vandamönnum. Boðið er upp á hnallþórur, heita rétti, brauðtertur, pönnukökur og fleira.

Nánari upplýsingar hér.

Páll Baldvin Baldvinsson fræðimaður í Jónshúsi 

Aðalfundur Íslendingafélagsins í Kaupmannahöfn verður haldinn föstudaginn 29.október kl. 17.30 í Jónshúsi, Øster Voldgade 12, 1350 Kbh. K

Aðalfundur íslenska safnaðarins í Danmörku verður haldinn í Jónshúsi þriðjudaginn 26. október kl. 18.

Í febrúar 2016 gengum við hjónin á slóðir Jóns Sigurðssonar. Vorum nýflutt í Jónshús og fannst viðeigandi að kynna okkur aðstæður sjálfstæðishetjunnar. Settum myndir á facebook og skrifuðum smá texta. Jónsgöngurnar urðu alls þrjár.

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota árið 2022. Umsóknir um íbúðina skulu hafa borist skrifstofu Alþingis eigi síðar en þriðjudaginn 2. nóvember næstkomandi.

Fjölbreytt dagskrá næstu daga í Jónshúsi.

Verðlaun Jóns Sigurðssonar forseta árið 2021 féllu í hlut Auðar Hauksdóttur, prófessors emeritus.

Þann 12. september 2020 voru 50 ár frá upphafi félags- og menningarstarfs Íslendinga í Jónshúsi í Kaupmannahöfn. Vegna kringumstæðna íheimsfaraldri var ekki unnt að fagna þessum tímamótum fyrr en nú, tæpu ári síðar, laugardaginn 11. september 2021.

Afmælishátíð í Jónshúsi

Laugardaginn 11.september  frá kl. 16 - 19.

Á sal Jónshúss verða veggspjöld sem sýna brot úr sögu hússins, en auk þess verða til sýnis margar ljósmyndir úr starfi hússins.
Sett verður upp aðstaða fyrir utan húsið þar sem boðið verður upp á grillaðar pylsur og drykki.
Vonumst við til að flestir leggi leið sína í Jónshús og fagni með okkur.

Nokkrar myndir frá velheppnaðri heimsókn forseta Íslands, Guðna Th. Jóhannessonar, og Elizu Reid í Jónshús.

Fimmtudaginn 19. ágúst kl. 10:30 - 11:30.

Allir velkomnir